"Birgə tərəfdaşlığımızın daha bir parlaq nəticəsini sizinlə paylaşırıq!"

25 oktyabr tarixində “Accelerated Carer Academy”-nin tərəfdaşlığı ilə həyata keçirilən “Azərbaycanda məcburi köçkünlərin həyat şəraitinin yaxşılaşdırılması” layihəsi müdavimlərinin təltifetmə mərasimi baş tutdu.
Sözügedən tədbirdə ilk olaraq layihənin icra qrupunun rəhbəri Kamran Ağamalıyev layihənin əhəmiyyəti və məqsədi haqqında tədbir iştirakçılarına məlumat verdi. Peşə təhsil müəssisələrinin rəhbərləri və sahibkarların iştirakı ilə baş tutan tədbirdə, daha sonra tələbələr öz əl işlərini nümayiş etdirdilər.
Tədbir sonunda məzunlara sertifikatları təqdim edildi.
Layihənin uğurla həyata keçirilməsində dəstək olan tərəfdaşlarımıza təşəkkür edirik!